भाषा

जापानी साथी कसरी बनाउने ? भेट्दा कसरी बोल्ने ?

जापानमा रहँदा सबैभन्दा ठूलो आवश्यकता जापानी भाषाको हुन्छ । जापानमा विद्यार्थी भिषामै आएर नियमित स्कुल, कलेज जानेहरुले भाषा राम्रो जान्ने भएपनि अन्य भिषामा रहेका र जापानी भाषा बोल्नेहरुको संगतमा कम रहनेहरुका लागि भने जापानी भाषा सिक्न गाह्रो हुन्छ । केही समय अघिनै हामीले जापानी भाषा सजिलैसंग कसरी सिक्ने भन्ने बारेमा लेखेका थियौं । जापानी भाषा छिटो सिक्ने तरिकामध्येको एक जापानी साथीहरु बनाउनु र उनीहरुसंग नियमित कुराकानी गर्नु पनि हो । आजको पोष्टमा सोही बारेमा चर्चा गर्दैछौं । सामाजीक सर्कल वा क्लबहरुमा जोडिनुस् यदि तपाई विद्यार्थी हुनुहुन्छ भने कलेज तथा युनिभर्सिटीहरुमा हुने सामाजिक सर्कल तथा क्लब जस्तै फुटबल क्लब, म्यूजिक क्लब अदिमा संलग्न हुनुभयो भने जापानी साथीहरु बनाउन सजिलो हुन्छ, जापानी संस्कृति, रहनसहन तथा परम्परा बुझ्नका लागि सहज बन्छ । त्यस्तै बच्चाबच्ची पढ्ने स्कुलको अभिभावक समूह, कल्चर एक्सचेन्ज ग्रुप, सिटी अफिसहरुले बेलाबेलामा आयोजना गर्ने भेटघाट कार्यक्रम आदिमा सहभागी भएर पनि जापानी साथीहरु बनाउन सकिन्छ । भाषा आदनप्रदान धेरै जना जापानीहरु भाषा आदनप्रदान (ल्याङ्वेज एक्सचेन्ज) गर्न इच्छुक हुन्छन् । कोही नेपाली नै वा अंग्रेजी भाषा सिक्न चाहाने, बदलामा तपाईलाई जापानी भाषा सिक्न सहयोग गर्न चाहानेहरु हुन्छन । उनीहरुको संगत गर्नुभयो भने भाषा पनि सिकिन्छ, साथीहरु पनि बन्छन् । छिमेकीहरुसंगको सम्बन्ध सामान्यतया जापानको सहरी क्षेत्रहरुमा घर सेयर गरेर बस्ने चलन छैन तर पनि तपाई आफु बस्ने वरपर रहेका छिमेकीहरुसंगको सम्बन्ध राम्रो बनाउन प्रयास गर्नुस् । नयाँ कोठामा सरेपछि वरिपरिका छिमेकीहरुलाई भेट्ने र आफ्नो वारेमा जानकारी गराउने चलन हुन्छ, सकिन्छ भने सानो केही उपहार लगेर दिने चलन पनि हुन्छ तर दिनैपर्छ भन्ने नियम भने हुँदैन । यसरी भेटघाट गर्दा घर वरपरका जापानी साथीहरु बन्न सक्छन्, पछि केही सहयोग चाहिएमा माग्न सकिन्छ । अन्तराष्ट्रिय पार्टीहरुमा सहभागीता जापानमा विदेशी र जापानीहरुवीचको सम्बन्ध थप राम्रो बनाउने उद्देश्यसहित भेटघाट पार्टीहरु आयोजना गरिन्छन् । त्यस्ता पार्टीहरुमा सहभागी हुनका लागि खानपिन शुल्क वापत २००० देखि २५०० येनसम्म लाग्नसक्छ । यदी तपाई जापानी साथीहरु बनाउन चाहानुहुन्छ भने त्यस्ता पार्टीहरुमा सहभागी हुन सक्नुहुन्छ । जापानी परम्परा, समारोह र घुमघाम जापानी कला, संस्कृतिका बारेमा सिक्न र जापानी साथीहरु बनाउनका लागि फुल सजावट समारोह, जापानी अक्षर लेखन समारोह, चियापान समारोह, सामुहिक घुमघाम कार्यक्रम आदिमा सहभागी हुन पनि सकिन्छ । यस्ता कार्यक्रमहरुबारे जानकारी विभिन्न वेवसाइट तथा सिटी अफिसहरुमा लिन सकिन्छ । यो जापानी भाषा सिक्ने तरिकामध्येको एक प्रभावकारी तरिका हो । त्यस्तै, कतिपय जापानीहरु आफ्नो घरमा बस्न चाहानेहरुका लागि होमस्टे सुविधा पनि दिन्छन्, यस्ता घरहरुमा बस्दा जापानी रहनसहन, चालचलन, नियम तथा संस्कृतिका बारेमा सिक्न पाइन्छ । साथसाथै घरबेटी संगको मित्रता पनि राम्रो बनाउने मौका मिल्छ । यि त भए जापानी साथी कसरी बनाउने भन्ने बारेमा केही जानकारी । अव लागौं जापानी साथी बनाउने क्रममा वा सामान्य कुराकानीका क्रममा प्रयोगमा आउने वाक्यांशहरुतर्फ ।

१. के तपाईँ अंग्रेजी बोल्न सक्नुहुन्छ ? (英語を話せますか?) – एइगो वो हानासेमास्का ?

२. मेरो जापानी भाषा राम्रो छैन । (日本語がうまくないんです。) – निहेन्गो गा उमाकुनाइन् देस् ।

३. कृपया बिस्तारै बोल्नुहोस्। (ゆっくり話してください।) – युक्कुरी हानासिते कुदासाई ।

४. के तपाइँ फेरि एकपटक भन्न सक्नुहुन्छ ? (もう一度お願いします。) – मोउ इचिदो ओनेगाइसिमास ।

५. मैले तपाईलाई के भनेर बोलाउँदा राम्रो हुन्छ ? (何とお呼びすればいいかしら?) – नान् तो ओयोबिसुरेबा इइखासिरा ?

६. तपाई जापान आउनु भएको कति समय भयो ? (日本へ来てどのくらいですか?) – निहोन ए किते दोनोकुराइ देस्का ?

७. के तपाई टोक्यो आउनुभएको पहिलो पटक होरु (東京へは初めてですか?) – तोउक्योउ ए वा हाजीमेते देस्का ?

८. तपाई काम के गर्नुहुन्छ ? (お仕事は何ですか?) – ओसिगोतो वा नान् देस्का ?

९. तपाईको रुची के हो ? (趣味はなんですか?) – स्युमि वा नान् देस्का ?

१०. तपाई आफ्नो फुर्सदको समयमा के गर्नुहुन्छ ? (暇なときは何をしていますか?) – हिमा ना तोकी वा नानी वो सिते इमास्का ?

११. तपाईलाई जान मन लागेको कुनै ठाँउ छ ? (どこか行きたいところはありますか?) – दोको का इकिताइ तोकोरो वा आरिमास्का?

१२. के तपाई मसँग डिनर गर्न सक्नुहुन्छ ? (一緒に夕飯を食べませんか?) – इस्योनी युउहान वो ताबेमासेन्का ?

१३. हामी गफ गर्दा गर्दै समय धेरै नै भइसकेछ । (話しすぎて、もうこんな時間になってしまいました。) – हानासीसुगिते, मोउ कोन्ना जिखान नि नात्ते सिमाइमासिता ।

१४. फेरी कहिले भेट्न सक्छौ ? (今度、いつ会えますか?) – कोन्दो, इचु आएमास्का ?

१५. अर्को पटक तपाई मसँग डिनरमा जान सक्नुहुन्छ ? (今度、食事に誘ってもいいかな。) – कोन्दो, स्योकुजी नि सासोत्ते मो इइकाना ।

१६. तपाईको इमेल ठेगना पाउनसक्छु ? (メールアドレスを聞いてもいいですか?) – मेरु आदोरेसु वो किइते मो इइ देस्का ?

१७. अवश्य ,लेखेर दिन्छु । (もちろん। 書いてあげますね。) – मोचिरोन, खाइते आगेमास्ने ।

१८. तपाई फेसबुक चलाउनुहुन्छ ? (フェイスブックをしていますか?) – फेसुबुक्कु वो सिते इमास्का ?

१९. के तपाई मलाई साथीको रुपमा थप्न सक्नुहुन्छ ? (फेसबुकमा) (わたしを友達に加えてくれますか?) – वातासी वो तोमोदाची नि कुवाएते कुरेमास्का

२०. भेंट्दै गरौ है । (連絡を取り合いましょう。) – रेन्राकु वो तोरीआइमास्योउ ।

आशा छ यो जानकारी तपाईलाई मन पर्यो, जापानी साथी बनाउने सम्बन्धमा आफ्ना अनुभवहरु छन् भने तलको कमेन्ट बक्समा लेख्न सक्नुहुनेछ । यो पोष्ट उपयोगी लागेमा सेयर गरेर साथीभाईहरुमाझ पनि पुर्याइदिनुहोला है त ।

जापानी व्याकरण,उच्चारण , वाक्यांश , खान्जी र शबदको बारेमा अथवा केही सुझाव दिन चाहानुहुन्छ भने हाम्रो फेसबुक पेज Nepali Jisyoमा इन्बक्स गर्नुहोला। हजुरहरुलाई जापानी भाषा अथवा जापानमा बिधार्थी जिवनको बारेमा बुझ्न परेमा njisyo@gmail.com मा मेल गर्नुहोला ।

Leave a Reply

Your email address will not be published. Required fields are marked *